Молитвы Иоакиму и Анне
Молитва первая
О святии праведницы, Богоотцы Иоакиме и Анно!
Молите Милосердаго Господа, яко да отвратит от нас гнев Свой, по делом нашим
праведно на ны движимый, и да безчисленная прегрешения наша презрев, обратит
нас, раб Божиих (имена), на путь покаяния, и на стези заповедей Своих да
утвердит нас. Таже молитвами вашими в мире жизнь нашу сохраните, и во всех
благих благое поспешение испросите, вся к животу и благочестию потребная нам от
Бога дарующе, от всяких напастей и бед и внезапныя смерти предстательством
вашим нас избавляюще и от всех враг видимых и невидимых защищающе, и тако в
мире временное сие житие прешедше. в вечный достигнем покой, идеже вашим святым
умолением да сподобимся Небеснаго Царствия Христа Бога нашего, Емуже, со Отцем
и Пресвятым Духом, подобает всякая слава, честь и поклонение во веки веков.
Молитва вторая
О приснославнии Христовы праведницы, святии
Богоотцы Иоакиме и Анно, предстоящии небесному престолу Великаго Царя и велие
дерзновение к Нему имущии, яко от преблагословенныя дщери вашея, Пречистыя
Богородицы и Приснодевы Марии, воплотитися изволившему, к вам, яко многомощным
предстателем и усердным о нас молитвенникам, прибегаем мы грешнии и
недостойнии. Молите благость Его, яко да отвратит от нас гнев Свой, по делом
нашым праведно на ны движимый, и да безчисленныя прегрешения наша презрев,
обратит нас на путь покаяния и на стезе заповедей Своих да утвердит нас. Таже
молитвами вашими в мире живот наш сохраните и во всех благих благое поспешение
испросите, вся яже к животу и благочестию потребная нам от Бога дарующе, от
всяких напастей и бед и напрасныя смерти, предстательством вашим нас
избавляюще, и от всех враг видимых и невидимых защищающе, яко да тихое и
безмолвное житие поживем во всяком благочестии и чистоте, и тако в мире
временное сие житие прешедше, в вечный достигнем покой, идеже вашим святым
умолением, да сподобимся Небеснаго Царствия Христа Бога нашего, емуже со Отцем
и Пресвятым Духом подобает всякая слава, честь и поклонение во веки веков.
Аминь.
Тропарь, глас 2
Иже в законней благодати праведни бывше,
Младенца Богоданнаго породиша нам Иоакиме и Анна. Темже днесь светло
торжествует, весело празднующи, Божественная церковь честную вашу память,
славящи и Бога воздвигшаго рог спасения нам в дому Давидове.
Тропарь святых, глас 2
Праведных Твоих, Господи, память празднующе,
теми молим Тя, спаси души наша.
Молитва пророку Захарии
и праведной Елисавете, родителям святого Иоанна Предтечи
О святии
угодницы Божии, пророче Захарие и праведная Елисавето! Подвигом добрым
подвизавшася на земли, восприяли еста на Небесех венец правды, его же уготовал
есть Господь всем любящим Его. Темже взирающе на святый ваш образ, радуемся о
преславнем скончании жительства вашего и чтем святую память вашу. Вы же,
предстоя Престолу Божию, приимите моления наша и ко Всемилостивому Богу
принесите, о еже простити нам всякое прегрешение и помощи нам стати противу
кознем диавольским, да избавльшеся от скорбей, болезней, бед и напастей и
всякаго зла, благочестно и праведно поживем в нынешнем веце и сподобимся
предстательством вашим, аще и недостойни есмы, видети благая на земли живых,
славяще Единаго во святых Своих славимаго Бога, Отца и Сына и Святаго Духа,
ныне и во веки веков. Аминь.
Молитвы святой мученице
Параскеве, именуемой Пятница
Молитва
первая
О святая и
преблаженная мученице Христова Параскево, красото девическая, мучеников
похвало, чистотыобразе, великодушных зерцало, премудрых удивление, веры
христианския хранительнице, идольския льсти обличительнице, Евангелия
Божественнаго поборнице, заповедей Господних ревнительнице, сподобльшаяся
приити ко пристанищу вечнаго покоя и в чертозе Жениха твоего Христа Бога светло
веселящаяся, сугубым венцем девства и мученичества украшенная! Молим тя, святая
мученице, буди о нас печальница ко Христу Богу. Его же преблаженнейшим зрением
присно веселитися; моли Всемилостиваго, иже словом очи слепым отверзе, да
избавит нас от болезни очес наших, телесных вкупе и душевных; разжени твоими
святыми молитвами темный мрак прибывший от грехов наших, испроси у Отца Света
свет благодати душевным и телесным очесем нашим; просвети нас, омраченных
грехми; светом Божия благодати, да твоих ради святых молитв дастся безочесным
сладкое зрение. О великая угодница Божия! О мужественнейшая дево! О крепкая
мученице святая Параскево! Святыми твоими молитвами буди нам грешным помощница,
ходатайствуй и молися о окаянных и зело нерадивых грешницех, ускори на помощь
нам, ибо зело немощны семы. Моли Господа, чистая девице, моли Милосердаго,
святая мученице, моли Жениха твоего, непорочная Христова невесто, да твоими
молитвами пособствоваши, мрака же греховнаго избывше, во свете истинныя веры и
деяний Божественных внидем во свет вечный дне невечерняго, во град веселия
приснаго, в немже ты ныне светло блистаеши славою и веселием безконечным,
славословящи и воспевающи со всеми Небесными Силами Трисвятительное Единое
Божество, Отца и Сына и Святаго Духа, ныне и присно и во веки веков. Аминь.
Молитва
вторая
Святая
невесто Христова, многострадальная мученице Параскево! Вемы, яко от юности
твоея ты всею душею твоею и всем сердцем твоим возлюбила еси Царя славы, Христа
Спасителя и Ему единому уневестилася еси, раздавши имения твоя неимущим и
бедным. Ты, силою благочестия твоего, твоим целомудрием и праведностию, яко
лучами солнечными, просияла еси, живши свято среди неверных н безбоязненно
проповедавши им Христа Бога. Ты, от дней юности твоея, наученная твоими
родителями, всегда благоговейно чествовала дни искупительных страстей Господа нашего
Иисуса Христа, Егоже ради и сама добровольно пострадала еси. Ты, десницею
ангела Божия от неисцельных ран дивно исцеленная и восприявшая неизреченную
светлость, изумила еси неверных мучителей. Ты, именем Господа нашего Иисуса
Христа и силою молитвы твоею в капище языческом всех идолов долу повергши, в
прах сокрушила еси я. Ты, опаляемая свещами, единою молитвою твоею ко
всесильному Господу угасила еси огнь естественный, и тем же пламенем, чудесне
возжженным чрез ангела Божия, попаливши неистовых беззаконников, мног народ
привела еси к познанию истиннаго Бога. Ты, во славу Господа приявши мечное
главы твоея усечение от мучителей, доблественно скончала еси страдальческий
твой подвиг, возшедши душею твоею на небеса, в чертог вожделеннаго твоего
Жениха Христа Царя Славы, радостно сретшаго тя сим небесным гласом: «Радуйтеся,
праведнии, яко мученица Параскева увенчася!» Темже и мы днесь приветствуем тя,
многострадальная, и, взирающе на святую твою икону, с умилением вопием ти:
всечестная Параскеве! Вемы, яко велие имаши дерзновение ко Господу: умоли убо
Его Человеколюбца и о нас с предстоящих и молящихся ти. Да подаст Он и нам,
якоже тебе, терпение и благодушие в бедах и скорбных обстояниях; да дарует Он,
ходатайством твоим и заступлением, радостное, благоденственное и мирное житие,
здравие же и спасение, и во всем благое поспешание возлюбленному нашему
отечеству, да ниспослет святое Свое благословение и мир, и всем православным
христианам да подаст твоими святыми молитвами утверждение в вере, благочестии и
святости, преспеяние же в христианской любви и всякой добродетели: да очистит
нас грешных от всякий скверны и порока: да оградит нас святыми Своими ангелами,
да заступит, сохранит и помилует всех святою Своею благодатию и соделает
наследниками и причастниками Небеснаго Своего Царствия. И тако улучивше
спасения твоими святыми молитвами, предстательством и заступлением, всеславная
невесто Христова Параскеве, прославим все пречистое и великолепое имя дивнаго
во святых Своих истиннаго Бога, Отца и Сына и Святаго Духа всегда, ныне и
присно, и во веки веков. Аминь.
Молитва Роману
Сладкопевцу
Преподобне
отче Романе! Воззри на нас милостивно и к земли приверженных возведи к высоте
небесней. Ты горе на небеси, мы на земли низу, удалены от тебе, не толико
местом, елико грехми своими и беззаконии, но к тебе прибегаем и взываем:
настави нас ходити путем твоим, вразуми и руководствуй. Вся твоя святая жизнь
бысть зерцалом всякия добродетели. Не престани, угодниче Божий, о нас вопия ко
Господу. Испроси предстательством своим у Всемилостиваго Бога нашего мир Церкви
Его, под знамением креста воинствующей, согласие в вере и единомудрие,
суемудрия же и расколов истребление, утверждение во благих делех, больным
исцеление, печальным утешение, обиженным заступление, бедствующим помощь. Не
посрами нас, к тебе с верою притекающих. Вси православнии христиане, твоими
чудесы исполненнии и милостями облагодетельствованнии, исповедуют тя быти
своего покровителя и заступника. Яви древния милости твоя, и ихже отцем
всепомоществовал еси, не отрини и нас, чад их, стопами их к тебе шествующих. Предстояще
всечестней иконе твоей, яко тебе живу сущу, припадаем и молимся: приими моления
наша и вознеси их на жертвенник благоутробия Божия, да приимем тобою благодать
и благовременную в нуждех наших помощь. Укрепи наше малодушие и утверди нас в
вере, да несомненно уповаем получити вся благая от благосердия Владыки
молитвами твоими. О, превеликий угодниче Божий! Всем нам, с верою притекающим к
тебе, помози предстательством твоим ко Господу, и всех нас управи в мире и
покаянии скончати живот наш и преселитися со упованием в блаженныя недра
Авраамова, идеже ты радостно во трудех и подвизех ныне почиваеши, прославляя со
всеми святыми Бога, в Троице славимаго, Отца и Сына и Святаго Духа, ныне и
присно и во веки веков. Аминь.
Кондак
Роману Сладкопевцу
Самогласен: Иоаким
и Анна поношения безчадства и Адам и Ева от истления смерти освободились,
Пречиста, в святом Твоем Рождестве. Его совершает и сей народ Твой, от вины
прегрешений он избавлен, взывая: «Неплодная рождает Богородицу и Питательницу
Жизни нашея».
Моление, а с
ним и стенание от бесплодия и бесчадия Иоакима же и Анны воспринято. И вошло во
уши Господа, и произрастило Плод животворный для мира. Ведь на горе совершал он
молитву, она же поношенье в саду переносила, но со радостию неплодная рождает
Богородицу и Питательницу Жизни нашея.
О благая,
рожденная Анною, как прославлю или воспою Тебя, ибо Ты — рожденный Храм
всесвященнейший? Иоаким на горе умолял плод восприять от утробы Анны. И
принятой была от святого молитва, после же чревоношенья радость в сем мире преблаженная
бысть. Неплодная рождает Богородицу и Питательницу Жизни нашея.
Дар иногда
принес он во храм, и не воспринят остался он, ведь не хотели воспринять его
священники от неплодного и семя неимущему, и средь Израиля сынов Иоаким был
отвержен, но пришел он потом, и привел с собою Деву с дарами благодаренья
вместе со Анной, ибо, радуясь днесь, неплодная рождает Богородицу и
Питательницу Жизни нашея.
Ныне
услышали колена Израиля, что родила днесь Анна непорочную, и все же
возрадовались днесь во веселии. Сделал Иоаким им пиршество, и возрадовались
светло они о дивном чуде. К молитве призвал иереев, левитов, принес он и Марию,
всех посреди их, чтобы возвеличить: «Неплодная рождает Богородицу и
Питательницу Жизни нашея».
Жизни поток
Ты источила нам, во Святое отданная воспитатися и насладившаяся пищей
ангельской, во Святых Святая Пребывшая, как речется, Ты и Храм, и Сосуд сей
Господень. Ибо девы Саму Деву с свечами приводят, прообразуя Солнце — То, что
имела принести для верных. Неплодная рождает Богородицу и Питательницу Жизни
нашея.
«О таинство,
свершенно на земле», — по рождении Анна воскликнула ко Создателю, Провидцу и
Богу нашему. — Владыко, Ты услышал мя, как ту Анну, что упрекал Илий священник
за пьянство. Ведь Самуила она рожденного решила Владыке посвятити, Ты же, как
прежде, даровал ведь и мне: Неплодная рождает Богородицу и Питательницу жизни
нашея.
«Велие
днесь, Благий, мне предстоит, ибо я родила Деву, Рождающу прежде веков
Всевладыку и Господа, по Рождестве же Хранящего Матерь Свою, как и есть Она —
Девой. Сию же приношу Тебе во храме, Щедре. Сия и Дверь Твоя будет Владыки
вышних. С радостию Ее неплодная рождает Богородицу и Питательницу Жизни нашея.
Некогда и Сарра верная возжелала родити неплодная, прежде рожденья Исаака —
сына ее, Ведь Бога она принимала, с двумя архангелами, в человеческом зраке. И
слово было к ней во время оно: «У Сарры сын родится» — ныне же миру радуясь,
вопиет: «Неплодная рождает Богородицу и Питательницу Жизни нашея».
Ныне Мариам
сияет временам, и ведь храм не скудеет святынями, и Захария, Ее видя
Взрослеющей, избирает по жребию Ей жениха и от Бога Иосифа, обрученного Деве.
Ему была дана Она чрез жезла откровенье от Духа Всесвятаго, сего же ради Анна
радуясь, вопиет: «Неплодная рождает Богородицу и Питательницу Жизни нашея».
Чтимо Дитя
твое, святая мать. Похвалу родила ты вселенныя и за людей умоление теплое,
Стена Она и Утверждение и Пристанище, на Нее возложивших надежду. И всяк
христианин защиту получает, покров Ее спасенья и надежду. Ее же от чрева твоего
неплодная рождает Богородицу и Питательницу Жизни нашея.
Вышний Боже,
Создателю всего, Сотворивший же Словом всяческая, Создавший человека Твоею
мудростью, Человеколюбче Единственный, Твоему народу мир как Всещедрый нам
даруй, царей сохрани со пастырем сих верных и безмятежно стадо, храня и
защищая, да всяк вопиет: неплодная рождает Богородицу и Питательницу Жизни
нашея.
Молитва преподобной
Мелании Римляныне
О святая
угоднице Божия, преподобная мати Мелание! Подвигом добрым подвизавшися на
земли, восприяла еси на Небесех венец правды, егоже уготовал есть Господь всем
любящим Его. Темже взирающе на святый твой образ, радуемся о преславнем
скончании жительс-тва твоего и чтем святую память твою. Ты же, предстоя
Престолу Божию, приими моления наша и ко Всемилостивому Богу принеси, о еже
простити нам всякое прегрешение и помощи нам стати противу кознем диавольским,
да избавльшеся от скорбей, болезней, бед и напастей и всякаго зла, благочестно
и праведно поживем в нынешнем веце и сподобимся предстательством твоим, аще и
недостойни есмы, видети благая на земли живых, славяще Единаго во святых Своих
славимаго Бога, Отца и Сына и Святаго Духа, ныне и во веки веков. Аминь.
Молитва о рождении детей
